Բրոնխիալ ասթմա. armeniamedicalcenter.am

Բրոնխիալ ասթման (ԲԱ) ստորին շնչառական ուղիների բարձր ռեակտիվությունն է տարբեր ազդակների նկատմամբ՝ շնչառության դժվարության Էպիզոդիկ և վերադարձելի օբստրուկտիվ նոպաներով, որոնք կարող են լինել թեթև արտահայտվածությունից՝ առանց հիվանդի ակտիվության սահմանափակման, մինչև ծանր և կյանքի համար վտանգավոր:

Շնչուղիների մի քանի օր կամ շաբաթ տևող օբստրուկցիան հայտնի է որպես status asthmaticus:
Հիմնական խանգարումը շնչուղիների գերզգայնությունն է որոշ սպեցիֆիկ գործոնների նկատմամբ: Բոլոր հիվանդների մոտ դիտվում է բրոնխների նեղացում:

Որոշ հիվանդների մոտ զարգանում է ալերգիկ ԲԱ, և վիճակի սրացումը կախված է օրգանիզմի վրա տարբեր ալերգենների ներգործության ազդեցությունից: Եթե անամնեզում չեն նշում ալերգիա, և զգայուն չեն հատուկ ալերգեններով մաշկային և ինհալացիոն թեստերին, բրոնխիալ ասթման սուր շնչառական հիվանդությունների հետևանք է:

Որոշ հիվանդների մոտ էլ ԲԱ պատճառներն են՝ ֆիզիկական ծանրաբեռնվածությունը, օրգանիզմի ուժեղ սառեցումը կամ մասնագիտական անբարենպաստ գործոնները: Շնչառության վատացումը կարող է արտահայտվել նաև սթրեսների արդյունքում:

Ախտանշանները

• շնչառության դժվարացում,
• սուլող խզոցներ, որոնք լսում են տարածության վրա,
• հևոց,
• չոր, նոպայաձև հազ,
• տենդ,
• խորխի առկայություն,
• այլ ալերգիկ ախտանիշներ:

 Նպաստող գործոնների առկայության դեպքում (ալերգեններ, վարակներ և այլն) հնարավոր են գիշերային նոպաներ: Նոպաներն անցնում են դեղորայքային բուժմամբ, որը պետք է անպայման նշանակվի բժշկի կողմից:

Տարբերակիչ ախտորոշումը

Հարկ է տարբերակել քրոնիկ բրոնխիտից, էմֆիզեմայից, օտար մարմնի արդյունքում առաջացած վերին շնչուղիների օբստրուկցիայից, ուռուցքից, կոկորդի այտուցից, կարցինոզ ուռուցքներից,  թոքերի կրկնվող էմբոլիայից,  էոզինոֆիլային թոքաբորբից, ձայնալարերի դիսֆունկցիայից, թոքերի ախտահարմամբ ընթացող համակարգային վասկուլիտից և այլն:

Բուժումը

Նպաստող գործոնը բացառելուն զուգահեռ օգտագործում են 5 խմբի դեղորայք.

• B- ադրեներգիկ սիոնիստներ,
• մեթիլքսանտիններ,
• գլյուկոկորտիկոիդներ
• նատրիումի կրոմոլին (ինտալ), որը բրոնխոլայնիչ չէ և չի նշանակվում սուր նոպայի ժամանակ, օգտագործվում է կանխարգելիչ նպատակով,
• հակախոլինէրգիկ միջոցներ. բրոնխոլիտիկներ, խորխաբերներ:

Մշտական բուժումը

• B-ադրենոխթանիչներ,
• ախտանշանների պահպանման դեպքում` հակաբորբոքային պատրաստուկներ (գլյուկոկորտիկոիդներ կամ բջջային թաղանթը կայունացնողներ),
• բուժման վերահսկողության համար կատարվում են թոքերի գործառույթները որոշող թեստեր:

Հարցեր, պատասխաններ, մեկնաբանություններ